The Bible, in Hawai’ian Pidgin

I couldn’t stop laughing when I read the hawaiian pidgin version of the bible.  I was reading the Tagalog and the Hiligaynon version and I decided to look at the Hawaiian Pidgin Bible out of curiosity/necessity. What was supposed to be a solemn time for reflection and bible study turned into a laugh filled hour. No insults meant.  God loves everyone of us and in making the Hawaiian Pidgin bible, God certainly has a huge sense of humor.

Quotes from Da Bible or Da Jesus Book.

(giggled a bit there.)

__________________________________________________________________________________________________

Jesus say, “God wen get so plenny love an aloha fo da peopo inside da world, dat he wen send me, his one an ony Boy, so dat everybody dat trus me no get cut off from God, but get da kine life dat stay to da max foeva.” (John Tell Bout Jesus 3:16)

__________________________________________________________________________________________________

Eh, Timoty my boy! You gotta be strong inside, you know! You stay tight wit da Spesho Guy God Wen Send, Jesus Christ, an he stay do good tings fo you, so you can come strong inside. (Letta Numba 2 from Paul fo Timoty 2:1)

__________________________________________________________________________________________________

__________________________________________________________________________________________________

“So, eh! no go worry an say, ‘Wat we goin eat?’ o ‘Wat we goin drink?’ o ‘Wat we goin wear?’ You know, da odda peopos all ova da world, dey try get all dat kine stuff. But yoa Fadda inside da sky, he know you guys need um. Main ting, make God yoa Boss, cuz he da King. Do da right ting jalike he do, an you guys goin get all da stuffs you need.” (Matthew 6:31-33 )

__________________________________________________________________________________________________

Den had one big storm ova dea, an da waves was bussing ova da boat, so da boat almos wen huli. But Jesus still yet stay sleeping in da back on one pillow. His guys wen go wake him up, an tell him, “Eh, Teacha! You no care we goin mahke, o wat?”
Jesus get up, an scold da wind an da waves. He say, “Quiet! No move aroun!” Den da wind wen pau an da waves wen come nice. An he tell his guys, “How come you guys scared? You guys no trus me, o wat?” (Mark Tell Bout Jesus 4:37-40)

__________________________________________________________________________________________________

Jesus say, “Fo go inside God’s place, go inside thru da skinny gate. Get one nodda gate dat stay wide an get plenny room. Dass da gate fo da road fo take you to Hell, an get plenny guys going dat way. But da real gate stay skinny an da real road mo smalla. Dass da one fo bring you to God who goin make you live fo real kine, an ony litto bit guys goin pick dat road.” (Matthew Tell Bout Jesus 7:13-14)

__________________________________________________________________________________________________

Jesus wen teach lidis: “So, pray lidis:
God, you our Fadda.
You stay inside da sky.
We like all da peopo know fo shua how you stay,
An dat you good an spesho inside,
An we like dem give you plenny respeck.
We like you come king ova hea now.
We like everybody make jalike you like,
Ova hea inside da world,
Jalike da angel guys up inside da sky make jalike you like.
Give us da food we need fo every day.
Let us go, an hemo our shame
Fo all da kine bad stuff we do to you,
Jalike us guys let da odda guys go awready,
An we no stay huhu wit dem
Fo all da kine bad stuff dey do to us.
No let us get chance fo do bad kine stuff,
But take us outa dea, so da Bad Guy no can hurt us.
Cuz you our king,
You get da real power,
An you stay awesome foeva.
Dass it!” (Matthew 6:9-13)